玻璃清潔 | 戶外玻璃清潔要留神 專業方法令窗戶光亮如新

Masterclean-玻璃清潔 水刮清理 玻璃乾淨透亮 防止水痕

玻璃清潔-農曆新年將至,大家都開始清潔家居,其中一個家居清潔必定牽涉嘅項目就係清潔玻璃。但原來過往就有不少清潔玻璃嘅意外發生,甚至造成慘劇。單單近月分別有外傭同戶主因爲清潔玻璃或外牆而墮斃,實在令人惋惜。小編希望各位在清潔戶外玻璃嘅時候,儘可能使用工具或只清潔到手及位置就好。當我哋進行高空玻璃清潔嘅時候會跟足指引,做好安全措施,爲所有員工購買保險。因爲悲劇一單都嫌太多,希望大家喺清潔時候緊記要留意。既然大家都要清潔玻璃,就等我哋簡單分享下點樣做好玻璃清潔啦!

玻璃除灰塵去污垢有妙法?

 

玻璃上唔止有灰塵污垢,更有油污,而用一般家庭有嘅白醋同小蘇打混合嘅溶液進行清潔,能有效分解油污。甚至曾經就有客戶分享話,用啤酒清潔會連水痕都無,清潔起嚟比較方便。不過小編就未試過,唔知你又敢唔敢,捨唔捨得試下呢?

好多客人都話摸玻璃時成日都留有好多水痕,其實同大家用嘅清潔工具有好大關係。抹布清潔很容易留下水痕,而專業清潔公司一般用水刮及其他唔同材質嘅工具喺唔同設計嘅玻璃表面上清理,令玻璃乾淨透亮。

且,大家想去除廚房玻璃嘅油垢,亦可以嘗試環保植物去油法。唔單係廚房嘅窗,更加可以喺焗爐及微波爐表面玻璃上使用。只要如果有用淨嘅蘿蔔頭或洋蔥、檸檬等,可以直接用嚟刷洗玻璃,有效迅速除去油汙。

清洗玻璃迷思:用報紙雜誌清潔玻璃有用嗎?

 

報紙雜誌普遍有吸水除濕嘅功能,透過報紙同玻璃摩擦產生靜電,會相對容易吸走灰塵同髒污。所以唔少家庭都覺得用舊報紙嚟清潔玻璃或鏡子有一定成效。但值得留意嘅係是,某啲印刷品物料較容易令玻璃沾上顏色、亦未必所有材質嘅紙張都唔傷玻璃,可能要花額外時間或步驟清潔。所以作爲專業清潔公司,小編並不建議大家將報紙當作器具,一旦用力過大雖然未至於刮花玻璃,但長遠亦對玻璃的保養無好處。

洗玻璃實用小tips:自行玻璃窗清洗步驟小建議:

 

-先用乾抹布除塵,將窗框、玻璃邊嘅厚灰塵先去除

-再用微濕抹布,把灰塵帶走

-抹玻璃(建議可用抹布、噴槍與玻璃水刮)

1)先將玻璃清潔劑以1比10嘅比例稀釋

2)用噴槍將清潔劑喺玻璃上噴灑

3)最後用水刮往下刮(緊記將抹布疊喺下方)

同大家分享左一個又一個清潔玻璃嘅小錦囊,希望各位可以喺嚟緊農曆新年大清潔入面用到啦。當然,如果有大型場所嘅玻璃需要清潔,想省時省力,甚至有問題想諮詢,都可以聯絡我地!

玻璃清潔-本公司提供各種場地及類型的清潔服務,詳情如下:家居清潔店鋪清潔裝修後清潔等。

相關鏈接:外傭抹窗墮

Comments are disabled.