迷你倉清潔-新界屯門區工業大廈

地點：新界屯門河田街
用時：一個工作天
服務：地板與工作枱吸塵清潔、洗手間清潔

迷你倉清潔-小貼士

迷你倉方便又抵玩，現代都市人住納米樓分分鐘都有個迷你倉防下身，但你以為淨係用嚟擺貨就唔洗理佢，錯啦！就算迷你倉嘅主體係儲存貨物，但都唔代表無人來往㗎，日夜睇住倉庫嘅員工，再加上搬貨工人或者顧客本身，細又唔太通風嘅空間絕對係傳播細菌病毒嘅最佳地點。最近要追蹤確診源頭，最驚嘅唔係知道同邊個食咗飯講過嘢而中招，而係唔知掂過邊到就惹到病毒！洗手又唔係成日都有地方洗，一唔小心真係去個迷你倉掂下貨都有機會中掂，所以要保障大家，唔止大倉庫嘅管理者，就連迷你倉嘅管理者都會安排定期大清潔，特別係廁所同埋員工工作枱，以求盡量減少傳播疾病嘅機會。

迷你倉清潔-小編見聞

相信好似小編咁又貪靚又貪玩嘅人唔多唔少都會諗過租個迷你倉擺嘢，但唔覺意堆下堆下，連個倉都滿埋，所以小編在此呼籲大家要定期執倉呀，但除咗顧客要執倉，今次都輪到老闆要執倉啦！良心滿滿嘅迷你倉老細為咗照顧員工同來往倉庫嘅人嘅安全，定期清潔就梗係唔少得啦，吸塵清潔做齊曬，唔單止貨倉乾淨舒服，員工同顧客都可以安心出入啦。

迷你倉清潔–本公司爲爲客戶提供全面清潔服務，詳情如下：辦公室/商業、店舖/醫療中心、空氣消毒