Masterclean-新冠 疫情訊息追蹤 資訊 防疫 消毒 抗新冠

最近每一日都期望高峰已經過去,但連續幾日過百宗,令大家次次都失望,真係漫長既戰爭。確診者都唔單止係一個數字,而係一個個活生生既故事,工作生活被打斷,家人朋友憂心忡忡,醫療負荷加劇……小編都知道大家生活工作忙碌,未必有時間每日捕住發佈會,所以今日特意同大家分享幾個疫情資訊來源,同大家齊心抗疫!

疫情資訊—政府資訊

要知疫情最新發展,必不可少嘅緊係政府嘅官方渠道啦!例如一個名爲:「2019冠狀病毒病-香港最新情況」就以地圖爲基礎,更新每日新增個案逗留地方或處所。當中涵蓋確診者14日內到訪或居住的地點,以及超過14日居住或到訪的地點,以紅綠點作爲識別。

衛生署亦新增左「過去14天內曾有確診新型冠狀病毒感染個案在出現病徵期間乘搭過的航班/火車/船名單」功能,方便大家瞭解境外輸入個案資訊。

疫情資訊—民間資訊

所謂高手在民間,網民亦有透過唔同方法提供疫情資訊。以下就係其中兩個:

第一係肺炎民間資訊網站。資訊相當詳盡,從不同個案的居住地點,到過咩地方,有咩服務已經或將會受到疫情影響,乃至抗疫小貼士都有提供。而且用法簡單,排版清晰,相當實用!

第二係運用Google地圖製作出嘅「香港肺炎疫情地圖」,用唔同圖標標記確診者出沒地點,亦提供查閱查看患者曾乘搭之航班、火車和船的資訊。大家無論行到邊都可以知道自己身處位置係咪存在風險。

疫情資訊—其他資訊來源

查實唔少媒體都緊貼疫情架,小編翻查市面上幾份報章,發現當中晴報就有每日更新確診者居住的屋苑或處所,涉及感染個案數量等等。

疫情消毒資訊-本公司爲客戶因應疫情提供全方位殺菌消毒服務,詳情如:空氣消毒冷氣機清洗辦公室深層清潔

圖片來源:政府衛生署

Comments are disabled.